لملم خيوط الوجع...بوسى كات

بوسى كات

لملم خيوط الوجع
واتوسد احزانك
انسى الخداع والالم
بيع اللى يوم باعك
اغزل خيوط الامل
وعيش لاحلامك
نادى على بكره
قوم بص قدامك
..............
سافر بلاد تانيه
وابحث عن الانسان
واوعاك.ف يوم تهرب
م الفرحه زى زمان
مكتوب هتهنى
وهتهجر الاحزان
افرح.بقى وغنى
واضحك كمان وكمان
……………….
العمر بيعدى
والحزن بيعدى
والضحكه شايلها
نور صبح متوضى
ارمى الحمول وامضى
رزقك على الخلاق
مكتوب خطاوينا
فين نمشى او نمضى
واهو كله بيعدى
بقلم (بوسى كات)